బెల్లంపల్లిని జిల్లా చేసే వరకు ఉద్యమం

బెల్లంపల్లి పట్టణం: బెల్లంపల్లిని జిల్లాగా చేసే వరకు ఉద్య మిస్తామని ఎంసీపీఐ(యు) జిల్లా కార్య దరి సబ్బని కృష్ణ అన్నారు. బుధవారం పార్టీ కార్యాలయంలో విలేకరుల సమా వేశంలో ఆయన మాట్లాడారు. తూర్పు జిల్లాలోని కొంతమంది వ్యాపారులు తమ రియల్ఎస్టేట్ వ్యాపారం కోసమే మంచిర్యాల జిల్లాగా చేయాలని పట్టుబ డుతున్నారన్నారు. మంచిర్యాలను జిల్లాగా చేస్తే కాగజ్ నగర్, ఆసిఫాబాద్ ప్రజలకు ఇబ్బంది కలుగుతుందన్నారు. బెల్లంపల్లి, ఆసిఫాబాద్, సిర్పూర్ కాగజ్ నగర్ నియోజకవర్గాల ప్రజల అభిప్రాయాలను తీసుకోకుండా తెలంగాణ ప్రభుత్వం ఏకపక్షంగా మంచిర్యాలను జిల్లాగా చేస్తామని ప్రకటనలు చేయడం సరికాదన్నారు. ఎమ్మెల్యేలు బెల్లంపల్లి జిల్లా సాధన కోసం ఉద్యమించాలని డిమాండ్ చేశారు. బెల్లంపల్లిని జిల్లా కేంద్రంగా చేసేవరకు అన్ని పార్టీలతో కలిసి పెద్దఎత్తున ఆందోళన కార్యక్ర మాలు చేపడతామన్నారు. సమావే శంలో ఎంసీపీఐ నాయకులు జాగాటి రాజలింగం, సబ్బని రాజేంద్రప్రసాద్, పి.వెంకటేష్, కె.చంద్రశేఖర్, జి.నగేష్, ఎండీ. జాకీర్ తదితరులు పాల్గొన్నారు